漢堡神偷* , 20+，文員。
威威司令* , 20+，銀行職員。

作者: Noir
相片: 漢堡神偷

漢堡神偷大學畢業旅行之時來過加拿大，旅程未段她去了温哥華的吊橋公園，在旅客中心門前，她想像：「或許我可以以working holiday 嘅形式返嚟。」她笑道：「不過，下次回來我會帶番件羽絨。」只帶了數件夏天衫來旅行的漢堡神偷，偷步體會到加拿大的涼意。深知自己不容易適應新地方，漢堡神偷試著邀請好友威威司令：「不如一齊？」

漢堡神偷和威威司令回想申請的過程，前後開了3次帳戶，每一次都因不同的理由攔置，每一次都未能在60天內限期裡呈交所有文件。漢堡神偷說：「我吔講囉，但就無行動。」威威司令手指漢堡神偷說：「佢唔提，就唔郁。」「唔郁」或許都緣於一分猶豫不決，申請獲批之前，威威司令一直都未有下定決心離開香港，亦未有與家人提及。更早的時候，威威司令想過去工作假期，但得不到家人的支持，加上各人平日不習慣談自己的私事，她就一直找不到時機說清楚。直至一次食飯，家人再次感嘆香港的時局，威威司令故作晦氣道：「咁我都申請走……」豈料父母竟沒有半點阻攔的意思，再三試探，然後申請獲批，前來加拿大的事才算是塵埃落定。

首先提出離港的漢堡神偷調皮地說：「直至聽到威威司令遞了申請，我先至加緊腳步。」特別是出發前的3個月，漢堡神偷才開始與現在的男友交往，而男友最終也改變原來前去英國的計劃，和她一齊過來加拿大。威威司令笑指漢堡神偷：「當初執行李，佢放咗張露營摺凳入篋，都唔知佢想點。」漢堡神偷試圖解釋：「有用架。個張凳喺我哋去東霸睇星個次買㗎。」堡神偷身邊有一班好朋友，自中學開始，每年都約定一起去跨年露營，但這幾年，大家都各散東西，一班人裡面走剩3-4個。最後，出發的時候，漢堡神偷並沒有帶上那張露營摺椅，連同其他威威司令口中的「無謂嘢」都留了在香港。漢堡神偷終究明白，帶不走的是歸屬感，她說：「離開香港，好難講有啲咩唔捨得。感受深嘅，反而喺到步後到依家都無所謂嘅 settle down，即使有分工，生活用到嘅嘢要買嘅都買齊，喺生活到，但就係無屋企嘅感覺。」

說到這裡，漢堡神偷忽然認真起來：「不過，話說回來，香港家嘅感覺都消失𡁵。」

漢堡神偷形容：「細個住喺灣仔，但重建之後，連少少痕跡都無。就好似我五歲個年，第一次自己去買麵包，爸爸假裝拎住份報紙跟喺後面，嗰間餅店依家都唔喺度啦。」叫威威司令無所適從的是回到母校，聽見連有些年資的、母語是廣東話的老師用普通話訓斥學生，她慨嘆根本無須等到教育局強制推行「普教中」(中文科改用普通話為授課語言)。她說在香港，有時聽見他人說著流利的普通話，心裡難免會不舒服：「心諗會唔會太流利？明明呢度喺香港。點解好似反客為主咁？」漢堡神偷回應：「但其實令香港嘅語言、文化消失嘅，我哋都有份。我哋都會覺得廣東話圍內講就夠，以前就算身邊有外籍朋友有興趣想學，我哋都會推託話廣東話有九聲，好難學。後來想教，先至發現想揾有系統嘅教材都難，根本都唔知可以從何教起。」威威司令深有同感：「唔知，唔知自己仲可以為香港做啲咩，特別係當自己已經離開咗。」話說中隱隱流露無力與愧疚。漢堡神偷若有所思道：「近來睇𡁵本書—— The impossible city: A Hong Kong memoir，其中講到香港係一個以消失來定義嘅城市，所以每個generation嘅人講嘅香港都唔一樣。」她放輕了聲線續道：「而我哋每一個都參與喺呢個消失嘅過程入面。」

面對世界病態
每日變化怎去猜
情緒沒處擺
陷進戰鬥狀態
但內裡卻已崩壞
要怎麼拆解

陳蕾：〈世界與你無關〉

漢堡神偷*， 威威司令* - 化名