不想去遠方- part 3 - 記得要番屋企

作者: Noir
水彩畫: Fat Mui

「我的黑色行李　裝太多不願意

如果可以我想學會瞬間轉移」

“「有好多野係香港先至有，即使係華人，即使同樣係香港嘅野食，就係唔一樣。」不同的，或許是一份人情味。”

「如果可以，我想返香港食番碗車仔麵。」除了掛念親人朋友，香港最令車仔麵掛念的味道是深水埗文記，配料、麵條、湯底，都是「自己揀」，配搭豐富、變化多，「車仔麵呢件事好香港。」除了食車仔麵，車仔麵也形容：「有好多野係香港先至有，即使係華人，即使同樣係香港嘅野食，就係唔一樣。」不同的，或許是一份人情味。從小到大成長的社區，從小到大認識的朋友，車仔麵說，在香港時，過往約朋友，一個電話，一個短訊，15分鐘後即可在樓下碰面，食個糖水，打場友誼球賽，就是在公園流連也是好的。正如車仔麵道：「始終係自己嘅地方。」

“香港是他的家，家的一切他都想要保護。車仔麵回憶起社會運動的點滴時只言：「為時未晚，只係想要做對嘅事，而做對嘅事，無話後悔嘅。」”

「如果有如果，我都無後悔參與社會運動……」他說：「因為香港係自己嘅地方，我吔有義務去保護佢……」車仔麵說不出他確實想要守護的是甚麼，是自由，是民主，是法治，是文化，抑或是其他；車仔麵對香港的感情和牽絆並非隻言片語能概括的。香港是他的家，家的一切他都想要保護。車仔麵回憶起社會運動的點滴時只言：「為時未晚，只係想要做對嘅事，而做對嘅事，無話後悔嘅。」

「如果過多一、兩年，打開嚟睇，唔知道感覺會唔會唔一樣。」車仔麵離港時，朋友送給他一本相冊，相冊內是香港各個地鐵站的相片，相片記錄了一天內不同時段的香港，例如上午8:00 繁忙的中環。事實上，現時為止，相冊仍未開封；車仔麵說：「我現在依然對香港嘅畫面有印象。」然而，他對相冊珍而重之，因為相冊保留下來的是「屬於他的那個香港」，他所熟悉的、記憶中的香港。誰知以後的香港會變成甚麼模樣？

唔好忘記 唔好忘記

無論你去到幾遠記得要番屋企

呢度至係你地既成長地

無論你去到幾遠最緊要識得返黎

咪勞氣 咪洩氣

有太多的說話如何去表達

各有各的選擇 是無奈既瀟灑

誰不想可以留在家 誰人問可對話

LMF - 《返屋企》 

---