不想去遠方- Part 1
車仔麵*, 20+， 大學畢業生
作者: Noir
相片: Bambi Corro
「我好唔甘心，點解要走？」在香港土生土長，20多年來，車仔麵從未想像過有一天自己可能要永遠離開這裡：「但同一時間，起飛嘅一刻，我亦都好似突然鬆咗一口氣。」他緩了一緩，放輕了聲線道：「望住窗外飄下飄下嘅雲，然後睇住眼前嘅香港越來越遠，越來越細，到最後消失咗，我先意識自己真係離開咗香港。」那時耳邊呢喃的旋律與內心和應，是盧廣仲的《不想去遠方》：
「經過雲的時候 我吞下一大口
你有沒有感同身受 和我一樣在天空
我的黑色行李 裝太多不願意」
“成日話香港地方細，又係我由細到大我成長嘅地方，但直到要走，我先發現香港有咁多地方係我唔認識、無去過嘅。”
車仔麵與手足走在社會運動的前線，某天收到的一個訊息，叫他們警覺可能需要為未來打算，便約出來傾一下之後的部署。怎知，當車仔麵甫踏進聚腳點的時候，看見其中一位同伴正在收拾行李，說過兩天便起行。就在那一剎，車仔麵形容，一份危機感突襲，彷彿再沒有深思熟慮的睱閒，就連與家人、朋友商量的空間也是奢侈。車仔麵說：「與其話係同佢地傾，某程度上其實只係知會。」由離開的念頭萌生，到下決定，然後收拾行裝，到出發前往機場，前後不過2-3天時間。除了和朋友一一道別，臨走前的一個晚上，車仔麵與朋友特意去了葵涌貨櫃碼頭，凌晨再登大帽山，都是他從未踏足過的地方。車仔麵感嘆：「成日話香港地方細，又係我由細到大我成長嘅地方，但直到要走，我先發現香港有咁多地方係我唔認識、無去過嘅。」痛心的是他踏出家門前，母親的嗚咽：「還會回來嗎？」
「別帶我去遠方 我不想去遠方
我只想待在家 陪你說說話」
「某天在某個地方，我地一定會再見。」疫情嚴峻，機場很冷清，拍拖8年的女朋友把車仔麵送到在登機閘口時安慰他。至於他最掛念的嫲嫲，長居內地，就連道別的機會也沒有。
車仔麵* - 化名